Nabun-an sa mata ang police officer sa Barangay Milagrosa, Sta. Catalina, Negros Oriental samtang nagapatigayon sang hot pursuit operation kagab-i.
Sa inisyal nga imbestigasyon ang pulis kag ang iya team nagresponde sa stabbing incident nga nagluntad sa nasambit nga barangay.
Ginsugiran sang Brgy officials ang mga pulis nga ang 35 anyos nga suspek nagapanago sa sulod sang iya balay.
Gilayon nga nagpatigayon sang hot pursuit operation ang mag pulis kag nadakpan ang suspek.
Apang sa pag-aresto sa suspek gilayon lang sini nga gin-atake ang isa ka Police Officer kag ginbuno sa natoo nga mata.
Dali-dali nga gindala sa ospital sa Bayawan City ang pulis kag santo sa report sang ospital, naigo-an ang major artery sang mata ka pulis amo nga tuman ang pagdugo sini.
Sa karun estable na ang kondisyon sang pulis.
Samtang ang suspek naman nga nagtuyo malagyo paagi sa paglumpat sa bintana natigayon nga madakpan malapit sa suba sang Brgy kag yara na sa kustodiya sang kapulisan.
Antes ang pagpamuno sa pulis, ang suspek may ginbuno nga 58 anyos nga babayi nga nagpamalibad nga magbaligya sa iya sang makahulubog nga ilimnon.
Apang ginbutong sang suspek ang kamot sang babayi kag ginbuno sang pito ka beses.
