Nagapati si Punong Barangay sang Barangay Singcang Airport kag Councilor Elect Atty Caesar Distrito nga ma-proceed ang trial sa impeachment case ni Vice President Sara Duterte.
Sa interview sang Bombo Radyo Bacolod kay Distrito, nangin madugo ang diskusyon sa Senado bangud madamo sang mga legal nga palamangkutanon nga nagakinahanglan sang sabat.
Suno kay Distrito, madamo pa sang kinahanglan sabto may kaangtanan sa impeachment case batok sa bise presidente.
Suno kay Distrito ang mga Senador ang indi maluyag nga mahuy-an ang Senado gani indi sila magboto agud nga madismiss ang impeachment case nga motion ni Senator Bato Dela Rosa samtang ginalantaw man sini nga indi man magboto pabor ang mga Senador sa motion ni Senator Francis Tolentino nga indi makatabok sa 20th Congress ang trial sa impeachment case sang bise presidente.
Suno diri ang mga Senador ang magapakitang gilas pa diri bangud sa impeachment mataas ang publicity kun sa diin mahimo nga magamit sa 2028 Presidential Elections.
