Ginserbe sang Department of the Interior and Local Government (DILG) ang anom ka bulan nga suspension order batok kay Barangay Tangub Punong Barangay Noli Villarosa.
Ini santo sa ginfile nga reklamo sang duha ka mga Barangay Kagawad sang 2022 sa kaangtanan sini sa illegal nga pagpautang.
Sa interview sang Bombo Radyo Bacolod kay Atty Ceasar Distrito, spokesperson ni Bacolod City Mayor Alfredo “Albee” Benitez, ang suspension order ang desiyon sang Office of the Ombudsman sa Visayas, bangod sa gina-alegar “Conduct Unbecoming of a Public Official kag Grave Misconduct”.
Ang reklamo ang ginfile nanday Kagawad Katrina Joan Sonota kag Dindo Amadeo batok kanday Punong Barangay Villarosa, No. 1 Kagawad Luz Atienza, Barangay Kagawad Jose Ray Pendon kag sadto Barangay Treasurer apang karun Barangay Secretary nga si Ma. Teresa Domadiego.
Apang ang gindagdagan lamang sang 60-days suspension order amo sanday Villarosa kag Domadiego.
Santo sa reklamo, delayed kun maghatag sang sweldo sa mga empleyado ang Punong Barangay, kun sa diin nagapautang naman ang asawa sini sa 10 porsyento nga interes.
Gina-alegar sang mga ini nga hungod nga ginadelatar ang sweldo agud kulangon ang mga empleyado sang budget kag mapilitan nga magpangutang.
Suno kay Distrito, nasubuan man ang alkalde sa pagsuspender sa Punong Barangay, apang wala ini sang mahimo bangod obligasyon nga ipatuman ang layi sa kaalyado man ukon indi.
Paathag pa sang Punong Barangay sa Barangay Taculing, nga sarang pa nga maka-apelar si Villarosa pinaagi sa pagfile sang motion for consideration sa Office of the Ombudsman ukon magfile sang certiorari sa Court of Appeals.
Apang pending sa appeal, wala sang mahimo ang DILG kundi ipatuman ang desisyon sang Office of the Ombudsman.
