Nagplead sang “not guilty” si Kingdom of Jesus Christ (KOJC) founder Apollo Quiboloy kag ang iya mga co-accused sa mga kaso nga qualified human trafficking.
Si Quiboloy kag ang apat ka mga co-accused ang gin-arraigned sa Pasig City Regional Trial Court branch 159 sang Biyernes sang aga bangud sa mga kaso nga human trafficking.
Suno kay KOJC chief legal counsel Israelito Torreon, indi na sila maghatag sang dugang nga mga komento bangud yara na sa korte ang kaso.
Suno kay Torreon, not guilty ang plead sang mga ini.
Antes ang arraignment, si Quiboloy, nga nagasuksok sang orange shirt kag isa ka bulletproof vest kag itom nga jacket, kaupod ang isa ka Kevlar helmet kag face mask, ang naghatag sang malip-ot nga mensahe sa iya mga followers.
Nagbuya lamang ini sang mga tinaga nga “Tatag lang. Tatag lang.”
