Nabiktima ang beauty queen nga si Rabiya Mateo sang ginasuspetsuhan niya nga investment scam.
Suno sa Miss Universe Philippines 2020, gin-imbitar siya sang iya kakilala nga mag-invest sang iya nga kwarta.
Maayo man ang iya investment sa panugod apang hinali lang nga nagkambyo ang tanan kag sa karon, wala pa nabawi sang Sparkle actress ang iya kwarta nga ginbutang bilang investment.
Suno sa Ilongga beauty queen, OK man ang iya investment sa sulod sang duha ka tuig bangud nagabalik man ang iya kwarta apang hinali lang ini nga nautod.
Masakit man suno sa iya, apang kinahanglan niya nga padayunon ang kabuhi bangud madamo sang mga paagi agud nga mabawi sini ang kwarta. Nagalaom kag nagapangamuyo man ini nga mabalik ang iya investment.
Sa pihak sang natabo, indi naman mag-untat si Rabiya sa pag-invest sang iya nga kwarta. Naka-invest na ini sa jewelry business kag nagaplano man ini nga magsulod sa patag sang real estate.
Gamiton naman sini ang iya bad experience bilang lesson para sa iya kag sa iban nga halungan ang hard-earned money.
