Ginpahayag sang isa ka animal protection officer sa Hanover County nga ang isa ka hubog nga raccoon nga nagsulod kag nagpangguba sa isa ka liqour store ang makabig nga serial offender.
Suno sa Hanover County Animal Protection and Shelter, ang raccoon ang nagsulod sa Ashland ABC store sang Black Friday, nagbunggo kag nagbuka sang pila ka mga botelya sang ilimnon kag nakita sini ang sapat nga hubog kag natulogan sa banyo sang nasambit nga tindahan.
Ginpang-inom sini ang mga makahulubog nga ilimnon nga yara sa tindahan.
Ginpahayag ni Animal Protection Officer Samantha Martin sa isa ka episode sang Hear In Hanover, ang opisyal nga podcast sang Hanover County, nga indi ini ang una nga krimen sang raccoon.
Suno kay Martin, makatatlo na nga beses nga nagsulod ang racoon sa building kag nagpamuka sang mga botelya sang makahulubog nga ilimnon.
Dugang pa sini nga nagsulod man ang racoon sa karate studio kag ginpangkaon ang mga snacks.
Ginbutang naman ang raccoon sa animal shelter matapos ang insidente.
Wala ini gin-relocate bangud ang pagsaylo ang magaserbe nga sentensya nga kamatayon para sa isa ka raccoon.
Dugang pa ni Martin nga nagalaum siya nga may natun-an ang raccoon nahanungod sa pag-inom sang makahulubug nga ilimnon.
