Ginalantaw sang Bacolod City Fire Station nga electrical in nature ang ginhalinan sang kalayo nga nagtuga sang sunog sa Barangay 17, Bacolod City.
Sa interview sang Bombo Radyo Bacolod kay Fire Officer 2 Rolin Paulan, Fire Chief Investigator sang Bacolod City Fire Station, nakita sa imbestigasyon nga siyam ka balay ang totally damage kag pito naman ang partially damage kun sa diin 16 ka balay ang apektado.
Suno kay Paulan, nagdangat sa second alarm ang sunog kag ini ang nagtuga sang kahalitan nga P281,750 kag katumbas sang 800 square meters nga floor area sang mga apektado.
Santo sa ila imbestigasyon ang kalayo ang naghalin sa second floor sa western portion sang balay nga ginapanag-iyahan ni Kagawad Rey Mirador kag ini ang gina-alegar nga isa ka boarding house.
Suno sa ila pag-imbestigar nakita sa fire paterns nga suspected electrical ignition ang ginhalinan sang kalayo.
Gin-athag man sini nga indi kandila ang ginhalinan sang kalayo kag ang kwarto ang abandonado.
Ginalantaw sang mga ini nga daan nga wirings sang balay nga nagatindog sang masobra na sa 13 anyos ang ginhalinan sang kalayo.
Suno kay Paulan wala makaigo inspection ang electrical sang balay kag wala man makaagi renovate.
Mahimo nga expired nga insulation sang linya sang kuryente ang ginsugudan sang kalayo.
Nagpanugyan ini sa mga boarders nga pilion ang boarding house nga may yara sang nagakaigo nga fire exits ingkaso may emergency kag siguruhon man ang boarding house nga may fire safety measures.
