Gin-athag ni Finance Secretary Ralph Recto nga wala sang may gingasto ang PhilHealth sa pagbakal sang mga vaccines kag paghatag sang healthcare emergency allowance sang hospital workers sang COVID-19 pandemic.
Sa ginpatigayon nga Development Budget Coordination Committee briefing sa Senado, liwat nga ginkwestyon si Recto ang memorandum circular sang Department of Finance sa PhilHealth nga nagamando nga ibalik ang P89.9 billion nga fund sa national government.
Suno kay Budget Secretary Amenah Pangandaman, gingamit ang P27 billion para bayaran ang overdue allowances sang COVID-19 health workers.
Apang ini naman ang ginkwestyon ni Sen. Grace Poe kun ngaa indi ang PhilHealth ang nagbayad sa allownace sang mga healthworkers.
Suno kay Recto, indi obligasyon sang PhilHeatlh nga bayaran ang emergency allowances sang frontline workers, kag wala natandog ang ila reserve fund sang pandemic bangod nga ang national government ang nag-ako sang tanan nga balayran.
Apang may yara sang standby funds suno sa iya ang PhilHealth nga para sa mga emerhensya kaangay sang pandemic.
