Regional Trial Court sa Batangas, nagpagwa sang isa pa ka warrant of arrest batok kay Atong Ang kag iban pa nga involved sa kaso sang missing sabungeros

Nagpagwa sang isa pa ka warrant of arrest ang korte batok kay Atong Ang kag sa iban pa nga akusado angot sa pila ka kaso sang kidnapping with homicide may kaangtanan sa missing sabungeros.

Gin-issue ang bag-o nga warrant of arrest sang Lipa Regional Trial Court Branch 13.

Suno sa korte, indi bailable ang kaso.

Una na nag-isyu ang Laguna court sang arrest warrants batok kay Ang kag iban pa nga mga akusado.

Ginsuguran sang Philippine National Police ang pagserbe sang warrant sang Miyerkules apang wala gid nadakpan si Ang.