Ginpadangat na sang Barangay Kagawad sang Barangay Mansilingan sa Barangay Council ang problema sang streetlights nga nagapiraw-piraw sa dalan padulong sa Panaad Park and Stadium.
Ginpadangat sang concerned citizen sa Ipa Bombo Ta sang Bombo Radyo Bacolod ang madulom nga dalan bangud sa guba nga streetlights.
Ginpadulungan sang Bombo News Team ang lugar, kag nakita nga madulom ang area samtang ang streetlight ang nagapiraw lamang.
Sa interview sang Bombo Radyo Bacolod kay Barangay Kagawad Boy Pico, ang problema sa streetlights ang ginpadangat na nila sa Barangay Council kag ginahulat pa ang sabat.
Suno kay Pico, sang nagbagyo sang tinalikdan madamo man ang nagkalatumba rason nga nagdulom nagid ang lugar.
Ginpadangat niya man ini kay Barangay Mansilingan Punong Barangay Inday Franz Tionko agud nga matsekyar bangud ang streetlights ang gintakod pa sang tion nga kongresista pa si Bacolod City Mayor Greg Gasataya.
Sa impormasyon nga nakalab-ot sa Bombo News Team ang streetlights ang nagapiraw na nga daan sang gintakod ini sadto.
