Arestado ang isa ka rent-tangay suspect sa ciudad sang Bacolod.
Si Michael James Vargas ang gindakop sang mga katapo sang Criminal Investigation and Detection Group Bacolod matapos ginreklamo sang rent a car nga wala sini nabalik ang salakyan nga Honda City sa sulod sang 40 na ka adlaw.
Gamit ang pangalan ni Police Senior Inspector Ariel Artillero, anay pinuno sang CIDG Bacolod, nagpanghulam man si Vargas sang kwarta kay Engr. Joseph Yanson nga wala sang bayad-bayad tubtub nga nakadangat na sa 170 mil pesos.
Kaina sang udto, nagkadto ini sa Luisa Medel National High School sa Barangay Tangub rason nga nadakpan ini sang otoridad.
Lipod sa ihibalo ni Vargas, may yara sang GPS ang salakyan nga iya ginagamit.
Sa interview sang Bombo Radyo, ginpanginwala ni Vargas nga ginpalagyo niya ang salakyan.
Suno diri, bwas pa ang deadline niya sa pagbalik sang salakyan kag magabayad siya sang 50 mil pesos nga arkila.
Ginpamilit man sini nga nakahibalo si Artillero nga ginagamit ang iya pangalan kun manghulam ini sang kwarta.
