Ginkumpirmar sang regional supervisor sang Food and Drug Administration (FDA) Region 6 nga indi rehistrado sa ila talatapan ang mga produkto sang RGS World Marketing Corporation.
Nahibaluan nga kun ang isa ka indibidwal ang maga-invest sang P1,000 may baylo ini nga Kojic soap kag oil liniment kag may yara pa sang incentive bonus.
Sa interview sang Bombo Radyo Bacolod kay Angel Guzman, regional supervisor sang FDA-6, ginpahayag sini nga indi nila makita nga rehistrado sa ila nga listahan ang mga produkto sang amo nga kompaniya.
Suno kay Guzman, dapat gid nga magparehistro ang RGS sang ila nga mga produkto agud nga ma-product verification ini sang central office kag mangin legal ang ila mga ginabaligya.
Dugang pa sini nga dagdagan anay sang notice of violation sang central office ang kompaniya agud nga mapaandaman sila nga magparehistro na.
Kun magpadayon pa ang circulation sang ila nga produkto, sarang nga mapasirado sang regulatory enforcement unit ang planta ukon factory kun sa diin ginahimo ang ila nga mga produkto kag establisyemento tubtob nga makakuha sila sang lisensya.
Nagpanugyan naman si Guzman sa publiko nga mangin mahinalungon sa ginabakal nga mga produkto ilabi na ang mga cosmetics kag mga bulong kag dapat siguraduhon nga FDA registered ini agud masiguro ang quality, efficacy kag safety sang mga produkto.
