Luyag sang Russia nga magdaog si Kamala Harris sa US Presidential Elections suno kay President Vladimir Putin sa isa ka ginalantaw ironic nga komento kag gincite ang iya makalalaton nga kadlaw bilang rason kun ngaa mas luyag niya ini sangsa kay Donald Trump.
Ini ang ginpahayag ni Putin isa ka adlaw matapos gincharge sang US Justice Department ang duha ka Russian media executives natuhoy sa ginaalegar illegal scheme agud mag-influence sa November election gamit ang pro-Russian propaganda.
Una na nga ginpahayag sang Kremlin leader subong nga tuig, antes paman nagwithdraw si President Joe Biden sa race, kag ginalantaw nga may kaupod man nga irony, nga mas luyag niya ini sang sa kay Trump bangud si Biden ang mas predictable “old school” politician.
Apang nagapati ang US intelligence agencies nga luyag sang Russia nga si Trump ang magadaog bangud less committed ini sa pagsuporta sa Ukraine sa gyera batok sa Russia.
