BACOLOD CITY – Padayon nga nagasaka ang sales sa Panaad sa Negros Festival.
Nagdangat na sa P9.2 million ang kita sa Panaad humalin lamang sang Abril 22 tubtob 26 kun sa diin malapit na sini nga malab-ot ang income sang nagligad nga tuig nga masobra lamang sa P10 million sa kabug-usan sang Festival.
Suno kay Gov. Alfredo Marañon Jr. may dako nga kontribsuyon diri ang kadamuon sang mga naga baligya kag sang mga turista.
Nahisayran sa gobernador nga may yara sang mga taga Mindoro kag Romblon nga nagbisita sa Panaad kag subong man may yara sang grupo sang mga Taiwanese nga gindala sang isa ka travel company.
May pinaka-dako nga sales sa mga booth sang tagsa ka LGU nga naga dangat na sa P4.7 million, gina sundan sang mga concessionaires nga yara na sa P1.9 million, organic market nga masobra P900,000, eco-garden nga masobra P800,000, livestock kag dairy fair sa masobra P700,000 kag bamboo fair nga may kita na nga masobra P20 ,000.
Samtang gina preparahan na sang provincial government ang silver year ukon ika-25 anyos nga paghiwat sang Panaad Sa Negros Festival sa tuig 2018.
Suno kay Gov. Alfredo Marañon Jr. lauman nga ang 25th year sang Panaad sa Negros ang mas dako, mas masadya kag mas madamo nga mga bisita.
