Sulod na sa semifinals sang 2024 PBA Governors’ Cup ang San Miguel Beermen matapos malutos ang Converge FiberXers sa score nga 109-105.
Nagpangibabaw si June Mar Fajardo para sa Game 5 do-or-die games nila sang magrecord ini sang 40 points, 24 rebounds, apat ka assists kag isa ka steal sa hampang nga ginpatigayon sa Ynares Center sa Antipolo.
Nagdugang naman sang 23 points kag 10 rebounds si import EJ Anosike samtang may yara sang 10 points, siyam ka assists kag anum ka rebounds si CJ Perez.
Ginpahayag ni Beermen coach Jorge Gallent nga masaligan sang mga ini si Fajardo ilabi na sa mga do-or-die game.
Masunod nga makasumpong sang Beermen ang Barangay Ginebra sa best-of-seven semifinals nga mag-umpisa sa Miyerkules kag ini ang patigayunon sa PhilSport Arena.
