Gintawag ni Donald Trump ang opening ceremony sang Olympics sa Paris bilang isa ka “disgrace” matapos nga nagpangatubang sang mga kontrobersya ang creators sini.
Suno kay Trump, open-minded ini apang ang ila gin-ubra sa opening sang Paris Olympics ang makabig nga “disgrace.”
Ini ang iya ginpahayag matapos ginkondenar sang grupo sang mga Katoliko kag French bishops ang isa ka ceremony scene nga ginalakipan sang mga dancers, drag queens kag isa ka DJ nga nagapose sang daw kaangay sa The Last Supper apang ginpahayag sang creators nga indi nila tinutuyo nga irepresentar ang nasambit nga religious setting.
Ang sequence ang nakaangkon man sang international criticism nagikan sa Christian groups kag far-right politicians.
Suno kay Trump, kun siya ang liwat nga ma-eliher bilang Presidente, sa 2028 Olympics sa Los Angeles, indi sini pagpahanugutan nga matabo ang kaangay nga portrayal sa Paris.
