Wala gindayon ni President Donald Trump ang ginalauman nga ikaduha nga wave sa pag-atake sini sa Venezuela bangud sa kooperasyon sang pungsod sa Estados Unidos.
Ini matapos ang isa ka semana nga military operation sini sa pagpahalin kay President Nicolás Maduro nga subong yara na sa kustodiya sang Estados Unidos kaupod ang asawa sini.
Ginpahayag ni US President Trump nga handa ang mga ini nga magpatigayon sang mas dako nga ikaduha nga pag-atake kun kinahanglanon.
Suno kay Trump nagapakig-angut ini sa Venezuela kag nagabinuligay ini para sa pagpatukod sang impratruktura sang krudo kag petrolyo.
Bangud sini, suno saiya indi na kinahanglan ang ikaduha nga pag-atake apang magapabilin ang barko nga nagabantay sa kadagatan sini para sa seguridad.
Nagpabuya man ang Venzuela sang madamo nga political prisoners bilang tanda sang ila paglaom sa kalinong.
Suno pa kay Trump nga plano sang Estados Unidos nga epektibo sini nga pamunuan ang pungsod kag indi pag-itakop ang posibilidad nga magapasilabot ini sa militar.
Upod man sa target sini ang drug cartel sa lupa kag ang dagat sang pungsod samtang ginapabaskog pa ang krudo kag petrolyo sang Venezuela.
