Nasapwan na lamang nga wala na sang kabuhi ang 33 anyos nga Security Guard sa Seaoil Bulk Terminal, BREDCO Port, Barangay 2, ciudad sang Bacolod, kaina alas- 7:40 sang aga.
Ang security guard ang ginkilala nga si Reshly Ramo nga residente sang Brgy Balabag, ciudad sang La Carlota.
Sa interview ang Bomo Radyo kay Police Lt. Rhanie Songaling Deputy Station Commander sang Bacolod Police Station 2, kagab-i wala nahimo ni Ramo nga magpauli matapos ang trabaho sini bangod nga nagalain ang iya pamatyag dugang pa nga naga-inulan.
Suno diri, sang kaagahon nasapwan na lamang ini sang iya mga kaupod sa trabaho nga wala na sang kabuhi sa sulod sang stockroom.
Wala naman sang foul play sa pagkapatay ni Ramo kag ginapatihan nga natural death ang kamatayon sini.
