Nagaselebrar sang Christmas ang mga pumuluyo sa Germany apang simple lang.
Sa interview sang Bombo Radyo Bacolod kay Cristina Weikamp, Bombo International News Correspondent direkta sa Germany, ang ila pamilya ang isa sa mga nagaselebrar sang paskwa.
Suno kay Weikamp, nagabakal gid siya sang matuod nga puno agud nga himuon nga Christmas Tree.
Dugang pa sini nga sa tion sang Christmas eve nagapreparar man sila sang pagkaon kaangay sang roast ducks, patato pancakes kag iban pa.
Mahilig man ang mga German nga mag-inum sang red wines.
Suno diri ang kada pamilya ang ululupod man magkaon sa tion sang paskwa.
Ang mga bata ang nagapati man kay Santa Claus kag nagaselebrar sila sang St Nicholas Day.
Suno pa diri, sa ila nga lugar wala sang simbang gabi apang sa Berlin may ara bangud may pari nga Filipino ang nagamisa didto.
Nagahatagay man ang mga tawo sang gifts.
