Ginpahayag ni Senator Panfilo “Ping” Lacson nga naglapaw sa iya otoridad si Police General Nicolas Torre III, gani siya ang ginrelieve bilang pinuno sang Philippine National Police.
Suno kay Lacson, nga anay nagpungko man nga PNP Chief sa administrasyon ni former President Joseph Estrada, si Torre ang naglapaw sa iya gahom sang ginpahalin sini si Police Lt. Gen. Jose Melencio Nartatez bilang Deputy Chief for Administration ukon second in command.
Paathag sang Senador, nga ang pagbutang kag pagpahalin sa mga miyembro sang PNP Command Group, kaangay sang Deputy for Administration, Deputy for Operation kag Chief, kasubong man ang Directorial Staff ang dapat nga idangop anay sa Presidente,ukon bisan sa ex-officio Chairman sang National Police Commission (NAPOLCOM), ukon sa tiglikom sang Department of the Interior and Local Government (DILG).
Nahibaluan nga sang Agosto 6 lamang sang ginbutang ni Torres si Nartatez bilang pinuno sang Area Police Command for Western Mindanao.
Sila ang nagbayluhanay sa pwesto ni anay PNP spokesperson Lt. Gen. Bernard Banac, nga amo ang ginhimo ni Torre nga second in command.
Sa pagkakas kay Torre, si Nartatez amo ang ginbulos nga bag-o nga PNP Chief.
