Ginkalipay ni Senator Risa Hontiveros ang pagsurrender sa mga otoridad sa pugante nga si Apollo Quiboloy.
Suno kay Hontiveros, nga amu ang nagapanguna nga naga-imbestiga sa Senado sa mga kaso nga paglapas sa tawhanon nga kinamatarong ni Quiboloy, ilisipon na lamang ang mga adlaw sini nga nagahari-hari, nagapambastos sang layi, nagapang-abuso sang mga kababainhan, kabataan kag kaangay nga mga Filipino.
Suno diri, indi na madalaganan ni Quiboloy ang layi kag indi na madelay ang hustisya para sa mga gin-abuso sini.
Ginpasalamatan sang Senador ang mga victim-survivors nga maisog nga naghambal sang kamatuoran sa hearing kun sa diin sa karun, malab-ot na nila ang hustisya.
Gindayaw man sini ang mga law enforcement agencies sa ila dedikasyon sa pihak sang ginpakita ni Quiboloy nga mga taktika.
Sa karun nga naaresto na si Quiboloy, magapadayon ang imbestigasyon sang Senado agud matuldukan na ang sistematiko nga pagpang-abuso sini sa mga pinaka-vulnerable sa sosyodad.
