Nagapanawagan ang consultant sang Eastern Mediterranean Manning Agency Incorporated nga dapat nga athagon sang gobyerno ang pahayag tuhoy sa pahanugot sang Iran nga makalabay sang hilway ang mga barko sang Pilipinas kag mga Filipino seafarers sa Strait of Hormuz.
Sa interview sang Bombo Radyo Bacolod kay Captain Edgardo Flores, komplikado ang pahayag sang Department of Foreign Affairs kag indi ang dapat nga athagon bangud kabuhi sang seafarers ang nakataya sa kada paglayag.
Base sa nakuha sini nga impormasyon, may yara sang tatlo ka barko nga yara sa Persian Gulf nga padulong kuntani sa Pilipinas.
Pahayag sini nga antes nga makalabay sa Strait of Hormuz, ginatsekyar ang barko agud nga masiguro nga ginapanag-iyahan ini sang Filipino.
Apang may mga barko nga indi lunsay Filipino ang crew, gani may tsansa nga sila ang indi man makalabay ilabi na kun ang iban ka crew ang gikan sa mga pungsod nga kaalyado sang America.
Ginpahayag man ni Flores nga indi man makapanubo sang oil prices sa Pilipinas ang paglabay sang barko may dala nga crude oil sa Strait of Hormuz apisar nga padulong sa Pilipinas.
Ini bangud ang ginbayad nga toll fee agud makalabay ang ipatong man gihapon sa presyo sang gatong.
Panugyan sini sa mga seafarers nga yara sa Persian Gulf nga indi magpati gilayon sa mga ginapagwa nga mga balita kag magsunod na lamang sa instructions sang tag-iya sang barko.
