Pagapasakaan na sang kaso nga plunder sa Sandiganbayan sini nga semana si Sen. Rodante Marcoleta may kaangtanan sa ginaalegar undeclared campaign contributions nga nagabalor sang kapin P75 million.
Suno kay Ombudsman Jesus Crispin Remulla, lakip man sa kasuhan si former Congressman Mike Defensor kag mga negosyante nga sanday Joseph Varias Espiritu kag Aristotle Baluyut Viray.
Base sa Ombudsman, gin-alegar ginpahayag ni Marcoleta sa isa ka interview nga nagbaton ini sang P75 million campaign donations.
Apang wala ini nadeklarar sa iya nga 2025 Statement of Assets, Liabilities and Net Worth (SALN) kag Statement of Contributions and Expenditures (SOCE).
Dugang pa, ang donor’s tax ang nabayaran lamang sang tinalikdan nga Disyembre 2025, gani suno sa prosekusyon, ini ang mahimo indikasyon sang pagtago sang transaksyon.
Nauna na nga nagpagwa ang Sandiganbayan sang precautionary hold departure order batok kanday Marcoleta, Defensor, Espiritu kag Viray angot sa nasambit nga kaso.
Sa subong, wala pa sang pahayag ang bahin ni Marcoleta natuhoy sa mga alegasyon.
