Ginmando sang Sandiganbayan Third Division ang 90-day preventive suspension kay Senator Rodante Marcoleta angot sa ginapangatubang nga plunder case.
Sa resolusyon nga ginpagwa sang Oktubre 19, ginmando sang anti-graft court ang suspensiyon ni Marcoleta, nga magasugod sa oras nga mabaton niya ang nasambit nga resolusyon.
Nag-ugat ang kaso sa gin-alegar P75 million ill-gotten wealth nga wala gindeklarar ni Marcoleta sa iya nga Statement of Contributions and Expenditures (SOCE).
Santo sa mga alegasyon sa kaso, nabaton ni Marcoleta ang nasambit nga balor naggikan sa anay kongresista nga si Mike Defensor kag negosyante nga si Aristotle Viray sadtong siya pa ang tiglawas sang SAGIP Party-list.
Santo sa Sandiganbayan, automatic nga matapos ang suspension pagkaligad sang 90 ka adlaw.
Samtang, gin-athag sang korte nga indi maapektohan sang suspension ang mga katungdanan sang Senado bilang isa ka collegial body.
