Ginpahayag ni Senate President Francis “Chiz” Escudero nga ginarespeto sini ang desisyon ni President Ferdinand Marcos Jr. nga padayunon ang Public Utility Vehicle Modernization Program.
Madumduman nga ginreject ni Marcos ang panawagan sang mga Senador nga temporaryo nga suspendihon ang PUVMP.
22 sa 23 ka mga Senador ang nagperma sang isa ka resolusyon nga nagapanawagan sang suspension bangud sa kakulang sang information drive sang gobyerno natuhoy sa programa kag ang financial burden sa mga drivers kag operators agud makabakal sang modern jeepneys.
Suno kay Marcos, wala ini nagakompormi sa mga pahayag nga ginpadalian ang implemenetasyon bangud pito ka beses na ini nga napostpone.
Suno pa diri, 80 porsyento sang mga Senador ang nagcomply sa requirement agud magconsolidate sa mga kooperatiba gani dapat nga sila ang pamatian sang sa minority.
Suno kay Escudero, ginarespeto sini ang desisyon sang Presidente bangud ini ang kabahin sang separation of powers kag different divisions sang gobyerno.
Suno sa iya, wala sang problema kun wala nagaisa ang ila opinion bangud may kinaiya man nga mga panindugan ang nagkalain-lain nga branch sang gobyerno.
Apang nagapanindugan ini nga ang Senado ang nagatindog sa gihapon sa pagpanawagan sang suspension sang PUVMP.
Suno sa Senate President, simple lamang ang ginapangayo sang Senado kag ini ang kay-uhon ang programa antes nga permanente nga dumilian ang mga traditional jeepneys nga makabyahe.
