Nag-apelar si Senate Deputy Minority Leader Risa Hontiveros sa iya kaangay nga mga Senador nga hatagan sang “fair fight” ang hagna natuhoy sa divorce.
Ini ang ginpahayag sang principal author sang isa sa mga hagna natuhoy sa dissolution of marriage sa Senado matapos ginpahayag ni Senate President Pro Tempore Jinggoy Estrada nga indi prayoridad sang bag-o nga mga lideres ang hagna sa upper chamber.
Suno kay Hontiveros, madamo sang mga hagna sa Senado nga apisar nga indi prayoridad ukon wala sa LEDAC, nagakapasar sa gihapon.
Gani supisyente na para sa iya ang ginpahayag ni Senate President Francis “Chiz” Escudero nga mangin conscience vote ini.
Suno kay Estrada, ini ang mangin tuman ka hugot nga pag-inaway sa tunga sang pro kag anti-divorce senators.
Apang suno kay Hontiveros, indi pa kumpleto ang head count nga gin-initiate ni Estrada sa iya mga kaupdanan nga mga Senador.
Suno diri, ang iya lamang ginapangayo kaupod ang mga divorce advocates organizations nga fair fight lamang.
Bangud ang kaupod sang fair fight amu ang ikaduha nga tiyansa sa paghigugma, pagrisgo kag kumpleto nga pamilya.
