Ginmanduan ni Senate President Francis Escudero ang organisasyon sang administrative support sa Senado nga magaserbi bilang isa ka impeachment court para sa trial ni Vice President Sara Duterte.
Ginkumpirmar ni Escudero ang pagrelease sang Special Order 2025-015 nga nagadesignate sa Secretary of Senate bilang Clerk of Court santo sa Rules of Procedure on Impeachment Trials.
Ang mando ang nagaspell-out sang iya duties kag responsibilities bilang Clerk of Court, nga ginalakipan sang pagmanage sang non-judicial functions sang impeachment court kaangay sang documentation kag records, pagpreparar kag pagserbi sang mga notices kag summons, pagpreparar sang court calendar kag business sang trial, pag-administer sang oaths kag pagsiguro sang proper reception, filing, distribution kag pagproseso sang tanan nga pleadings kag submissions kasubong man pagsupervise sang nagakaigo nga security kag safety measures.
Ang kaangay nga order ang nagadesignate sa support offices kaangay sang Office of the Senate Legal Counsel kag Deputy Secretary for Legislation bilang Deputy Clerks.
