Bukas si opposition Senator Risa Hontiveros nga mangin standard bearer sang opposition bloc para sa 2028 Presidential Elections.
Suno sa Senadora, bukas ini sa tanan nga posibilidad, kag indi ini magapangindi.
Ini man ang hingyo niya sa mga miyembro sang opposition kag independent bloc, nga mangin bukas sa tanan nga posibilidad para sa oposisyon kag sa masa.
Aminado si Hontiveros nga may ara gid sang progressive ukon reformist candidate nga magatindog batok sa mga iga-endorso sang kampo ni former President Rodrigo Duterte ukon sang kampo ni President Ferdinand Marcos Jr.
Magadepende pa sa selection process kun sin-o ang itib-ong sang duha ka dalagko nga partido, nga ginalauman sini nga mahuman matapos ang siyam ka bulan sang ila paghugpong.
Apang suno kay Senator Risa, magagwa na lamang ang iya desisyon kun ikonsiderar pa sini sa palaabuton ang pagpapili bilang Presidente sa 2028 National Elections.
Suno diri, ang pinaka-importante amo nga sila ang maghugpong sa masunod nga siyam ka bulan.
Pahayag ni Hontiveros nga prayoridad sini nga nga mahugpong ang iya mga kaalyado kag maconsolidate ang proseso sang pagpili sang “strongest possible slate” sa 2028, nga magatindog upod sa ila kag magadaog.
