Ginpahayag ni Senate President Francis “Chiz” Escudero kag Minority Leader Aquilino “Koko” Pimentel III nga kinahanglan sang dugang nga seguridad sanday Senators Risa Hontiveros kag Sherwin Gatchalian sa tunga sang ginaalegar mga pagpamahog batok sa ila mga kabuhi.
Suno kay Escudero, willing ini nga maghatag sang assistance sa iya mga kaupdanan kun sila ang magapangayo sini.
Ginhambalan naman ni Pimentel ang mga mamalidha nga nagapangauna sa imbestigasyon sang ginraid nga POGO hubs nga magpangita sang dugang nga seguridad kag ginpahayag nga ang mga persona nga yara sa likod sang gambling industry ang wala sang huya.
Dugang pa sini nga passionate ang ila mga imbestigador kag gin-abisuhan sini nga i-improve ang ila mga seguridad bangud indi nagakadapat nga may mga amo sini nga mga persona sa Pilipinas.
