Gintuyo nga himuslan sang isa ka 28-anyos nga lalaki ang isa ka senior citizen sa Prk. Kakahuyan, Brgy. Himoga-an Baybay, Sagay City.
Sa impormasyon nga nakuha sang Bombo Radyo Bacolod, pwersahan nga ginsulod sang suspetsado nga si Glenn Adrino sang Prk. Kalubihan, Sitio Pandanan, Brgy. Himogaan Baybay, ang balay sang 64-anyos nga biktima nga ginhayuan lamang kay alyas Inday kag iya ini gintuyo nga himuslan.
Apang bangud sang gahod nga nahimo sang biktima sang gintuyo sang suspetsado nga himuslan ini, nagbiya na lang ini sa balay.
Apang nadakpan sang mga barangay tanod ang suspetsado.
Ginpahayag naman sang mga himata sang biktima nga may pilas sa ulo si alyas Inday kag naluslos na ang pang-idalom nga panapton sini sang ila naabtan, sang Marso 8, alas-4:35 sang kaagahon.
Gilayon naman nga gindala sa hospital ang biktima samtang ginturn-over sa Sagay City Police Station ang suspetsado.
