Ang Senado ang magakustodiya nanday Shiela Guo, utod ni former Bamban Mayor Alice Guo kag Cassandra Ong sang Lucky South 99 Outsourcing Inc. bangud sila ang magaatubang sa imbestigasyon natuhoy Philippine Offshore Gaming Operators (POGO)-related crimes nga natalana sa masunod sa semana.
Ang statement ang ginpermahan ni Senate spokesperson Arnel Jose Banias kag gin-issue sang Biyernes, isa ka adlaw matapos nag-abot sa pungsod sanday Shiela kag Cassandra sa pungsod matapos gin-intercept sang mga otoridad sang Indonesia.
Suno sa Senado, sila ang preparado nga batunon nanday Shiela Guo kag Cassandra Li Ong nga subject sa karun sang imbestigasyon sa Porac, Pampanga para sa scheduled hearing sa Martes, Agosto 27, 2024.
Ang imbestigasyon ang pagapamunuan sang Senate committee on justice and human rights, nga ginapamunuan ni Minority Leader Aquilino Pimentel Ill bilang primary committee kaupod ang Senate committee on women, children, family relations, and gender equality sa idalum ni Deputy Minority Leader Risa Hontiveros kag sang Senate committee on public services nga ginapamunuan ni Senator Raffy Tulfo bilang secondary kag tertiary committees.
