Ginalantaw nga maga-invest ang Vena Energy nga nakabase sa Singapore sang P52 billion agud mapasangkad ang paggamit sang renewable energy sa Pilipinas.
Katuyuan sang kompaniya nga makadugang sang 1.29 gigawatts nga kapasidad sang clean energy.
Nahibaluan nga nakigkita si Presidente Ferdinand Marcos Jr. sa mga opisyales sang Vena Energy sa Singapore agud istoryahan ang mga proyekto sang kompanya sa Pilipinas.
Sa karon may mga proyekto sa renewable energy ang kompaniya sa pungsod, kalakip ang solar kag wind projects sa Pangasinan kag Ilocos Norte.
Tinutuyo sang gobyerno nga madugangan ang paggamit sang renewable energy sa 35 percent sa tuig 2030 kag 50 percent sa tuig 2040.
Ginalauman ang investment nga makabulig sa pagpataas sang suplay sang kuryente sa pungsod kag sa pagpasanyog sang paggamit sang clean energy.
