Nagtahaw na ang sitwasyon sa Nepal matapos nga gin-deploy ang Nepal Army agud nga mapabilin ang kalinong kag seguridad.
Sa interview sang Bombo Radyo Bacolod kay Bombo International News Correspondent Dr. Hector Gayares, medical doctor kag missionary sa Nepal, sang nagligad nga gab-i nagsulod na ang Nepal Army bangud ang malinong kuntani nga protesta ang gin-intrahan sang mga infiltrators, ukon mga persona nga may indi maayo nga tinutuyo kaangay sang pagpanunog kag pagpangawat ukon looting sa mga bangko.
Suno kay Gayares, may yara sang naaresto ang Nepal Army nga mga looters.
Suno diri, nagluntad ang protesta bangud ang mga tawo ang nakapoy na sa korapsyon, mataas nga un-employment rate kag mataas nga inflation rate kag kaangay nga daw wala sang hinimuan ang gobyerno.
Dugang pa sini magluwas sa nasambit nga problema nag-alsa ang mga tawo bangud sa pagban sang gobyerno sang social media.
Suno kay Gayares, may mga government institutions nga ginpangsunog.
Ginkadtuan man sang mga nagprotesta ang balay sang mga corrupt nga politiko kag cabinet members, ginsunog ang balay kag ginlagas ang mga cabinet members.
Indi man kumpirmado ang natuhoy sa mga nagalapta nga balita nga ginsunog nga buhi ang asawa ni former Prime Minister Jhala Nath Khanal.
Bangud sini gindeploy na ang Nepal Army agud nga sila ang masalbar.
Sa karun nabalik naman ang social media connection sa Nepal.
