Nagalaom ang isa ka Negrense nga iloy nga yara na subong sa La Union nga makit-an sini ang iya mga utod nga yari diri sa Negros Occidental samtang indi pa malala ang iya nga kondisyon.
Si Jocelyn Infante Munar ang nagpadulong sa La Union sang naga-edad pa lamang ini sang siyam ka tuig kag subong naga-edad na ini sang 59.
Naga-edad sang 16 si Jocelyn sang nagpamana ini kag nakaangkon sang siyam ka mga kabataan.
Sa subong, sila ang nagapuyo sa Barangay Nagtagaan, Rosario, La Union.
Setyembre 15, gin-atake sang highblood ang iloy kag nasundan ini sang Nobyembre 24.
Sa karon, naka-confine ini sa San Fernando La Union Regional Hospital.
Sa interview sang Bombo Radyo Bacolod sa bata sini nga si Melanie Infante Munar, daw kaangay nga nagbalik sa pagkabata ang paminsaron sang iya iloy kag nagahambal na ini sang hiligaynon.
Nagpabutyag man ini nga gusto niya makita ang iya mga utod nga nabilin sa Negros nga sanday Nelie, Joemarie, Josephine kag Diosdado Infante.
Suno kay Melanie, nakapanugid ang iya iloy nga ginbun-ag ini sa Hinigaran apang nagdako sa Himamaylan City.
Ang iya nga iloy amo si Beatriz Villa Carlos samtang ang iya naman amay amo si Guillermo Infante.
Sa mga nakakilala sa apat ka mga utod ni Jocelyn, mahimo nga magkontak sa cellphone number 09213792301.
