Ginakangahawa sang Sugar Regulatory Administration (SRA) ang impact sang paglupok sang Bulkan Kanlaon sa sugar industry sa pungsod.
Suno kay SRA Administrator Pablo Azcona ang nagapanguna nga problema suno sa mga technicians kag scientists amo ang acidity sang abo nga nagasunog sa dahon kag nagapadasig sa pagmature sini kag maga-agi sa inversion process kun sa diin imbes nga kalamay, langgaw ang nagaka-produce.
Suno diri, apektado sang ash fall ang banwa sang La Carlota, Negros Occidental nga amo ang nagahost sang pinakadako nga sugar mills sa region.
Ang Asociacion de Agricultores de La Carlota y Pontevedra Inc. nga ginakonsiderar pinakadako nga sugar farmer association sa Pilipinas ang nahamtang sa La Carlota.
Sang Hunyo, paglupok sang bulkan, nadamaged man ang mga tubo nga nag-apekto man sa pagnubo sang sugar production.
Bangod sini, ginalauman ni Azcona nga mag-ulan agud mahugasan ang mga abo kag mapanubo ang acidity level sa mga pananom.
