Gin-aprubahan sa session sang Sangguniang Panlungsod sang Bacolod ang resolusyon nga naga-deklarar sang state of health emergency sa ciudad.
Sa interview sang Bombo Radyo Bacolod kay Councilor Renecito Novero, ginpahayag sini nga ma-justify sang nasambit nga resolusyon ang pag-utilize sa calamity fund sang ciudad para sa preventive measures batok sa coronavirus disease 2019 (COVID-19).
Suno kay Novero, lakip sa mga measures nga ila nga ginaplano nga himuon ano ang pag-isolate sa mga persons under monitoring (PUMs) sa separado nga pasilidad kag ang mga persons under investigation (PUIs) naman ang dapat yara sa ospital agud madapatan sang pagbulong.
Ginkumpirmar man ni Novero nga ang deklarasyon sang state of health emergency sa Bacolod ang nag-take effect matapos ini nga ma-aprubahan.
