Temporaryo nga gin-relieve sa pwesto si Police Capt. Francis Depasucat nga nagaserbe bilang station commander sang Bacolod Police Station 1.
Ini ang ginkumpirmar ni Police Captain Depasucat.
Ang pagrelieve kay Depasucat ang kasunod sang reklamo batok sa duha ka personnel sang Bacolod Police Station 1 sa gina-alegar nga wala ginrespondehan nga insidente sang pagpangkastigo sa isa ka persona sa area of responsibility sang nasambit nga police station.
Gina-imbestigaran sa karun sang City Investigation and Detection Management Unit (CIDMU) sang Bacolod City Police Office agud mahibaluan kun ano ka matuod ang reklamo sang isa ka lalaki.
Ginapahayag man ni Depasucat nga ang nasambit nga insidente ang ginrespondehan sang mga kapulisan.
Sa karon, temporaryo nga officer-in-charge sa Bacolod Police Station 1 si Police Lt Marbert Veloso nga nagaserbe bilang Deputy samtang ginapatigayon ang imbestigasyon.
