Ginpanginwala sang Sugar Regulatory Administration (SRA) nga wala sang oversupply sang kalamay.
Ginhimo ni SRA Administrator Pablo Luis Azcona ang pag-athag kasunod sang claims sang pila ka mga sugar producers nga may oversupply sang kalamay nga nagtuga sang pagnubo sang millgate price.
Gintawag man sang “malicious” sang SRA ang nasambit nga claims.
Paathag sang SRA chief nga ang desisyon sang gobyerno nga indi mag-import sang kalamay tubtob sa pagkatapos sang post-harvest ang agud nga punggan ang pagnubo sang presyo.
Wala sang iban nga intention sa announcement nga ini magluwas lamang sa ila nga mandato nga mangin transparent kag ipabilin nga informed ang mga stakeholder.
Dugang pa sang opisyal nga wala sini nauyatan ang paghatag sang presyo kag marketing sa mga kalamay.
Madumduman sang Nobyembre 10, gin-anunsyar nanday Azcona kag Department of Agriculture (DA) Secretary Francisco Tiu Laurel Jr. nga indi pagdayunon sang Pilipinas ang pag-import sang kalamay tubtob sa tunga-tunga sang masunod nga tuig bangud sa estable nga stock sang raw kag refined sugar.
