Aksidente nga nadiskubrehan ang isa ka sulat ni Dr. Jose Rizal nga ginpadala sa isa ka Austrian journalist sang 1887 sa Vienna City Library archives.
Ang lima ka page nga sulat ni Rizal para kay Johannes Nordmann ang naga-unod sang itinerary sini sa Europa.
Ini ang ginpakita sa publiko sa lecture ni Dr. Johann Stockinger, isa ka Austrian cultural anthropologist kag vice president sang Austro-Philippine Society.
Ang sulat ang iya nakit-an sang Setyembre 2023 samtang naga-inspect sang mga letter nga ginpadala kay Nordmann.
Una nga nakita sini nga ang sulat ang naggikan kay ‘Jose Kisz’, kag nakita sini sa second page sang sulat nga may nakabutang nga ‘In my novel, Noli Me Tangere…’ didto na narealisar ni Stockinger nga posible orihinal ang sulat.
Suno kay Gerhard Murauer, kabahin sang public relations team sang Vienna City Library, wala nahibaluan sang mga librarians nga naggikan kay Rizal ang sulat bangod mabudlay basahon ang iya perma amo nga ginbutang nila ang “José Kisz”.
Sa sulat, nasambit ni Rizal ang angot sa “delightful novel” nga ginhatag sa iya ni Nordmann antes siya nagbyahe padulong sa Chamonix, isa ka lugar sa France.
Suno kay Stockinger, wala nahibaluan nga nagbisita si Rizal sa resort town sa Chamonix nga malapit sa Mont Blanc nga ginapatigayonan sang una nga Winter Olympic Games sang 1924.
