Indi maka-apekto sa impeachment proceedings batok kay President Ferdinand “Bongbong” Marcos Jr. ang pagpabaskog sang Supreme Court sa ruling sini sa impeachment case ni Vice President Sara Duterte.
Suno kay House Justice Committee Chair kag Batangas Representative Gerville Luistro, lain ang mode nga gingamit sa pag-file sang complaints batuk sa presidente sa gingamit batuk sa vice president.
Ang duha ka impeachment complaints batuk kay Marcos ang gin-file sang private individuals kag gin-endorso sang isa ka myembro sang House of Representatives, kag maga-agi sa impeachment proceedings antes sa House Committee on Justice.
Ang impeachment complaint batuk kay Duterte ang ginpirmahan sang at least one third sang tanan nga myembro sang Kamara kag gin-transmit sa Senado.
Pahayag pa niya, gina-draft na subong ang ground rules para sa impeachment proceedings.
Ginpahayag man ni House Committee on Justice member kag Bicol Saro Party-list Representative Terry Ridon nga maga-apply sa tanan nga impeachment officials ang ground rules.
