Halos katunga sang mga Filipino adults ang wala nagakompormi sa tikang sang House of Representatives nga i-impeach si Vice President Sara Duterte suno sa isa ka non-commissioned survey sang public opinion research firm WR Numero.
Ang firm ang nagpatigayon sang survey para sa ila Philippine Public Opinion Monitor humalin Pebrero 10 tubtob 18, pila ka adlaw matapos gin-impeach sang Kamara si Duterte bangud sa ginaalegar irregularities sa paggamit sang confidential funds, alleged bribery kag corruption sa Department of Education kag totality sang iya conduct bilang bise-presidente.
Ginpanginwala ni Duterte ang mga alegasyon kag ginbasol ang mga issues nga ginapangatubang sini sa politika.
Ginpresentar ni WR Numero President kag CEO Cleve Arguelles ang resulta sang Miyerkules kag ginpahayag nga 47 porsyento sang mga respondents ang nagpahayag nga ginapamatukan nila ang impeachment sang bise-presidente, 33 percent ang nagpahayag nga sila ang nagakompormi kag 20 percent ang undecided.
