Dakop ang duha ka mga suspetsado sa shooting incident sa Barangay Banago, Bacolod City kag duha ka mga kaupdanan sang mga ini sa ginpatigayon nga joint hot pursuit operation sang Bacolod City Police Station 3 kag Bacolod City Police Station 6 sa Purok Gonzaga, Barangay Taculing, Bacolod City subong nga gab-i, Abril 3, 2026.
Sa interview sang Bombo Radyo Bacolod kay Police Captain Rosalino Pugoy, Station Commander sang Bacolod Police Station 3, kagab-i, April 2 sang nagtabo ang shooting incident ginpalapta na sini ang intelligence team agud nga mahibaluan kun sa diin ang mga ini tubtob nga na-locate.
Suno kay Pugoy, ang duha sa apat nga nadakpan ang positibo nga gintumod sang mga witness nga suspek sa pagtiro-patay sa biktima.
Narecover ang duha ka armas-luthang kag illegal nga druga.
Suno sa station commander sa ila pag-interview sa mga nadakpan ang ginpahayag sang mga ini nga sila ang gun for hire.
Ginapahayag nga ang motibo sa pagtiro sa 29 anyos nga babayi ang bangud sa gina-alegar nga asset sang mga police kag wala man ginadula ang motibo nga wala ini nakaremit.
Dugang pa ni Pugoy nga ang balay kun sa diin ang mga ini nga nagkaladakpan ang ginapatihan safe house sang mga ini.
Ginalantaw nga ang duha sa nadakpan ang posible man sa suspek sa shooting incident sa Bacolod City
Murder ang pangatubangon nga kaso sang duha nga natumod nga suspetsado kag lain man nga kaso ang ipasaka may kaangtanan sa recoveries.
Imbestigaran man sang mga otoridad kung ang duha nga nakuhaan sang illegal nga druga kun ang mga ini ang imbulbado sa illegal drug trade sa Bacolod City.
May yara man sang resistance sa mga nagkaladakpan apang naover power sang mga kapulisan rason nga wala na makabato.
Nagalaom man ang station commander sang Police Station 3 nga paagi sa pagkadakop sang apat masolbar man ang iban nga mga kaso sang nagluntad nga shooting incidents sa ciudad.
Nahibaluan nga natabo ang krimen pasado alas-6:00 kagab-i samtang sakay sa tricycle ang biktima nga gikan sa Bata Flyover padulong sa Punong Banago.
Ang 29 anyos nga biktima ang residente man sa nasambit nga Barangay.
Pahayag sini nga may mga witness nga nakakita sa duha ka suspetsado nga sakay sa motorsiklo.
Ang biktima ang nag-agom sang igo sang bala sa likod, kag ini ang napatay sa ospital alas-10:40 kagab-i.
