Padayon ang imbestigasyon sang kapulisan sa pagtumod sa suspek kag motibo sa pagpatay kay Pearl Joy Galve nga nasapwan nga nagakaagnas na kahapon sang aga sa katubuhan sa Hacienda San Roque, Barangay Cubay, La Carlota City.
Ang 15 anyos, ang namissing sang Hulyo 29, opening of classes, kun sa diin sang aga lang ini nakasulod sa klase apang wala na nagsulod sang hapon, kag bag na lamang sini ang nabilin sa eskwelahan.
Sa interview sang Bombo Radyo Bacolod kay Police Captain Michael Tuburan, station commander sang Bacolod Police Station 9, ang iloy nga si Jennifer Galve kag ang tiya kag pakaisa sang biktima ang nagpadulong sa area kun diin nasapwan ang bangkay kag ginkumpirmar sang iloy nga si Pearl Joy ang bangkay bangod sa shorts kag sapatos sini.
Suno kay Tuburan, nadala na ang bangkay sa punerarya sa ciudad sang Bacolod kag ginahulat na lamang ang desisyon sang pamilya kun ini ang ipa-autopsy.
