Bisan diin kita magakadto nga bahin sang kalibutan may yara sang ginasunod nga table ettiquette.
Anu bala ang mga table ettiquette sa Ukraine? Pareho lang bala ini sa ginasunod naton sa Pilipinas? Sa Ukraine casual ang table kag kun mas pormal ang okasyon mas istrikto ang pagsulundan.
Ang table manners ang continental kaangay lamang sag pag-uyat sang tinidor sa nawala kag bread knife sa natuo nga kamot samtang nagakaon.
Ginaobserbar man sa Ukraine ang indi pag-umpisa sa pagkaon kun wala ginahambal sang host nga magkaon na.
Kinahanglan masami nga ipakita ang mga kamot kun nagakaon kag ipabilin nga nakatungtong ang imo wrist sa kilid sang lamesa.
Ang pinakatigulang nga guest ang pinakauna nga ginaserbehan.
Tilawan ang tanan nga mga pagkaon kag ang pagpangindi ukon pagrefuse ang indi manami nga pamatasan sa Ukraine.
Sa Ukraine, nakaandan na nga gina-ayo ang ila nga bisita sang second help.
Kabahin man sang ila kultura kag tradition sang Ukraine ang pagtoast kun tatlo kag masobra pa ang nagsalo sa pagkaon.
Ginasuspetsuhan sang mga Ukrainian ang mga tawo nga wala nagainum sang makahulubog nga ilimnon apang ginahatagan man sang exemption kun ini ang may kahilabtanan sa medical condition, gani kun indi ka maluyag mag-inom upod sa ila mahimo mo irason ang medical condition.
Ginapahayag man sang “za vashe zdorovya”, nga buot hambalon “to your health”.
Ang host ang nagauna sang toast kag ginasundan sang guest of honor.
Ang kalabanan nga ginahatag sa tion magtoast ang vodka.
Indi man kinahanglan nga ubuson ang gintoast nga ilimnon apang kinahanglan nga tigsiman.
Sa kultura man sang Ukraine nga indi dapat pagclink ang imo baso kun indi makahulubog nga ilimnon ang imo nga ginainom.
Ginadumilian man nga ikaw mismo ang maghuwad sang ilimnon sa imo baso.
Ang nabuksan na nga botelya ang dapat nga ubuson kag ipahigad ang wala na sang unod nga botelya sang ilimnon.
