Malipayon nga nagbaton sang ila premyo ang tatlo ka major prize winners ang ila premyo sa Swerte sa Palengke Promo 2026 sang Bombo Radyo kag Star FM.
Dako na nga bulig para sa 1st prize winner nga si Helen Panel sang Prk. San Roque, Brgy Hadumanan, Bacolod City ang P5,000 cash nga nabaton.
Ini ang iya pagagamiton bakal sang panginahanglanon sa sulod balay kag ipuhonan man para sa iya ginabaligya nga frozen foods.
Magabakal man siya sang dugang nga proof of purchase para sa dugang nga entries sa tsansa nga magdaog sa grand draw.
Siya and nagdaog paagi sa proof of purchase nga Shoppers Tocino.
Naghingagaw naman padulong sa estasyon sang Bombo Radyo Bacolod ang 2nd prize winner nga si Christina Artillaga sang 13 Media Taloc, Bago City agud i-claim ang iya premyo.
Ibakal sang mga gamit para sa estudyante kag dugang plete ang padulungan sa P4,000 cash nga iya nabaton.
Magabakal man siya sang dugang nga proof of purchase kag magahulog sang madamo nga entries.
Si Artilllaga ang may apat ka mga kabataan nga lunsay estudyante.
Gani tuman ang iya pagpasalamat nga napilian siya bilang winner.
Siya ang nagdaog paagi sa proof of purchase nga Dr. Wongs Papaya.
Ibakal naman sang bugas kag sud-an ang pagagamiton sa P3,000 cash nga nabaton sang 3rd prize winner nga si Ma. Cecilia Polidario sang Sugar Valley Subd.,Talisay City.
Suno kay Polidario, ang iya bana ang mahilig mag-inom sang San Miguel Beer kag ang mga tansan sini ang iya ginagamit nga proof of purchase
Nagpasalamat ang mga ini sa Bombo Radyo kag Star Fm kasubong man sa mga sponsors sa ila nga pagdaog kag nagpangagda sa iban nga magpasakop man agud magdaog kaangay nila.
Samtang, nabatun naman sang tatlo ka consolozation prize winners ang ila premyo sa Swerte sa Palengke Promo 2026 sang Bombo Radyo kag Star FM.
Tuman ang kalipay ni Milagros Olvido sang P6B, Purok Sam Roque, Brgy Handumanan, Bacolod City sa nabaton nga P1,000 cash nga iya ihatag allowance para sa iya bata.
Siya ang may pito ka mga kabataan, isa diri ang college student samtang ang iban ang nakagradwar na.
Si Olvido ang nagdaog paagi sa proof of purchase nga Puregold.
Ihatag naman sa iya iloy ang P1,000 cash prize nga nabaton sang 20-anyos nga si Don Van Nicole Dellomo sang Camerole Avenue, Bacolod City.
Si Dellomo ang nag-untat anay sa pag-eskwela kag ginpili nga mag-ubra.
Handum sini nga mangin seaman.
Bata pa lamang siya gina-upod na siya sang iya iloy sa estasyon sang Bombo radyo Bacolod agud maghulog sang entries.
Siya ang nagdaog paagi sa proof of purchase nga Syngenta.
Ibakal sang dugang nga proof of purchase ang pagagamiton sa nadag-an nga P1,000 cash prize ni Rosanna Banaria sang Prk Bonifacio, Brgy E. Lopez, Silay City.
Siya ang naga-edad 59 kag may anum ka mga kabataan, duha diri ang college student samtang ang iban ang graduate na.
Dugang pamplete naman para sa iya nga kabatan ang nabaton nga cash.
Si Banaria ang nagdaog paagi sa proof of purchase nga Holiday.
Nagpasalamat ang mga ini sa Bombo Radyo kag Star Fm kasubong man sa mga sponsors sa ila nga pagdaog kag nagpangagda sa iban nga magpasakop man agud magdaog kaangay sa ila.
