Tax deadline para sa mga lugar nga apektado sang magnitude 7.8 nga linog sa Mindanao, ginpalawig sang BIR

Ginpalawig sang Bureau of Internal Revenue (BIR) ang tax deadlines para sa mga lugar nga apektado sang pagtay-og sang magnitude 7.8 nga linog sa Mindanao.

Sa idalom sang Revenue Memorandum Circular No. 62-2026 sang BIR, ang pag-file sang tax, pagbayad, kag pagpasa sang dokumento nga una nga gintalana sa Hunyo 8 tubtob 29, 2026 ang gin-isol sa Hunyo 30.

Ang extension ang para lamang sa taxpayers nga nakarehistro sa South Cotabato, General Santos City, kag Sarangani province.

Katuyuan sini mapahagan-hagan ang kabudlayan sang mga negosyante kag residente sa Southern region nga apektado sang linog.