Ginkakas na sang Department of Agriculture (DA) ang temporaryo nga pag-ban sa pag-import sang mga kasapatan kag produkto nga mahimo maigo sang foot-and-mouth disease (FMD) naggikan sa Hungary.
Santo sa DA, ginhimo ang tikang matapos ginbalik sang World Organisation for Animal Health (WOAH) ang FMD-free status sang containment zone sang Hungary.
Ginkumpirmar man sang organisasyon nga nagasunod ang lugar sa international animal health standards kag wala nagapatuman sang vaccination batok sa nasambit nga balatian.
Sa idalom sang Department Circular No. 34, mahimo na nga ipadayunon ang pag-import sang mga sapat, karne, kag animal by-products gikan sa Hungary.
Apang, tanan nga shipment ang ipaidalom gihapon sa sanitary kag veterinary regulations sang DA.
Ipatuman ang bag-o nga order 15 ka adlaw matapos ma-publish sa official website sa DA kag marehistro sa Office of the National Administrative Register.
Suno kay Agriculture Secretary Francisco Tiu Laurel Jr., nagapabilini nga prayoridad sang gobyerno ang pagprotekta sa livestock industry batok sa mga balatian nga halin sa iban nga pungsod.
