Arestado ang isa ka drug personality sa ginpatigayon nga drug buy-bust operation sang Bacolod City Drug Enforcement Unit (CDEU) sang Bacolod City Police Office sa Purok Maya, Barangay 16, Bacolod City, alas 8:47 ang takna subong nga gab-i, Sabado.
Ginkilala ang nadakpan kay Cedrick Alisbo, 30 anyos, BADAC listed, single, transient vendor kag residente sang nasambit nga lugar.
Nakumpiskar gikan diri ang isa ka heat sealed transparent plastic sachet sang suspected shabu bilang buy bust item, nakuha man sa paghinakop sini ang 20 ka heat sealed transparent plastic sachet sang suspected shabu, P1000 bilang proceeds kag iban pa nga non-drug items.
Ang nakumpiskar nga suspected shabu ang nagabug-at sang 60 grams kag may standard drug price nga P408, 000.00
Priso si Alisbo sa Bacolod Police Station 1 kag ini ang mangatubang sang kaso nga paglapas sa Section 5 kag 11 sang RA 9165 ukon Comprehensive Dangerous Drugs Act of 2002.
