Wala gin-istoryahan sa Senado ang transmittal sang articles of impeachment sang House of Representatives sa ulihi nga session day antes nagpatigayon sang recess ang Kongreso agud mahatagan sang ligwa ang campaign period para sa 2025 Elections.
Suno kay Senate Secretary Renato Bantug Jr., kinahanglan sang “complete staff work” agud tun-an ang mga articles, isa ka butang nga wala natapos antes nag-adjourn ang Senado.
Suno kay Bantug, ginhambalan sini si House Secretary General Reginald Velasco nga siya kag ang House of Representatives secretariat staff ang pagatun-an pa ang mga dokumento.
Suno diri, natapos lamang nila ang comparing kag matching sang mga documents pila ka minutos matapos ang plenary session sang Senado.
Suno kay Bantug, opisyal sini nga nabaton ang mga dokumento alas 5:50 sang hapon sa iya opisina.
