Trekking activities sa Mt. Kanlaon, kanselado bangud sa alert level 1

Ginkanselar na ang trekking activities sa Mt. Kanlaon matapos nga liwat ini gin paidalom sa alert level 1 kahapon.

Ini ang suno kay Concordio Remorosa, park superintendent sang Mount Kanlaon Natural Park.

Suno diri, mahimo nga magpa-refund ang mga naka-book na nga magasaka sa bulkan ukon hulaton na lang sang mga ini kun san-o naman batakon ang alert level.

Nahibaluan nga may naka-book na nga trekkers tubtob sa bulan sang Oktubre.

Liwat gin paidalom sa alert level 1 ang bulkan kasunod sang asod-asod nga aktibidad sini kun sa diinhumalin sang Hunyo 24 tubtob kahapon may yara na sang 244 ka volcanic quakes nga narekord.

Sa idalom sang alert level 1 ginadumili ang pagsulod sa 4 kilometer permanent danger zone.